Ciwan Qado
Di rêya ber bi xewê de heyvek mezin î bi zerikî ketî
dibe cîranê riwê min, pîrekên taxê dehnûkan
nifş bi dû nifşî de li ser radixînin.
Kevirekî kevzgirtî û şayik, hênikbûna delavê çeman
dispêre nefesa min.
Gulek berbero yî zuha sîk a xwe vedide riwê min,
dendikên wê temîniya bêhêvîtiya min e
para Poşmaniya min e;
ez ê ji wan re Lib bi Lib di zembîlê de xwê bikim
û bidim tengala rê.
Qalibekî Kulîçan, riwê min weke şêraniyeke teze
li gor dilê saw û taswasan dibire,
wek nexşekê ji wan ên ku li ser perdên kulînan
û kulîmeka êşê.